اسلام آباد ۔ 27 اگست (اے پی پی) سینیٹ دا اجلاس (کل) خمیس دی شام پنج وجے پارلیمنٹ ہاﺅس اچ شروع تھیسی ۔صدر مملکت ڈاکٹر عارف علوی آئین دے آرٹیکل 54 دی شق 1 دے تحت سینیٹ دا اجلاس طلب سڈیے ۔ اجلاس دے پہلے ڈو ڈینھ 29 اتے 30 اگست کوں مقبوضہ کشمیر دی موجودہ صورتحال تے کشمیریاں تے بھارتی ظلم دے نال نال ایں حوالے نال پاکستان دی حکمت عملی تے بحث تھیسی۔ ایندے نال نال کشمیر دے مسئلے کوں بین الاقوامی سطح تے اجاگر کرنڑ کیتے پارلیمانی ڈپلومیسی کوں موثر طور تے بروئے کار گھن آونڑ تے حکمت عملی تے وی تجویزاں ڈتیاں ویسن ۔ اجلاس اچ قانون سازی دے علاوہ اہم قومی وبین الاقوامی امور اتے عوامی نوعیت دے اہم مسلیں تے وی غور تھیسی۔ چیئرمین سینٹ محمد صادق سنجرانی ایوان بالا دے اجلاس دی صدارت کریسن ۔
مضمون کا ماخذ : لاٹری ایپ کی تجزیات
