اسلام آباد ۔ 3 ستمبر (اے پی پی)جاری سال مون سون سیزن دوران مختلف واقعات دی وجہ نال 232 بندے مر گن، 168 زخمی تھئے، خیبرپختونخوا اچ78، سندھ اچ 60، آزاد جموں و کشمیر اچ 42، پنجاب اچ 30، بلوچستان اچ 12، گلگت بلتستان اچ 8 اتے وفاقی دارالحکومت اچ 2 بندے جاں بحق تھئے۔ نیشنل ڈیزاسٹر مینجمنٹ اتھارٹی(این ڈی ایم اے) توں جاری کیتے گئے اعدادوشمار مطابق مون سون بارشاں دی وجہ نال مختلف جئیں تے مجموعی طور تے 272 مکان مکمل تباہ تھئے جڈاں جو 403 مکاناں کوں جزوی نقصان پجیا۔ سبھ توں ودھ گلگت بلتستان اچ 170 مکان ،جڈاں جوآزاد جموں و کشمیر اچ 132 مکاناں کوں نقصان پجیا۔ مون سون سیزن اچ متاثرین دی مدد سانگے صوبہ پنجاب اچ دریائے ستلج دے متاثرہ علاقیاں اچ 95 ریلیف کیمپس اتے 61 میڈیکل کمیپس بنڑائے گن۔ سندھ دے ڈسٹرکٹ ٹھٹھہ اچ بنڑائے گئے ریلیف کیمپ اچ 2 ہزار 464 لوکاں کوں رکھیا گئے۔سارے ملک اچ متاثرین کیتے 7 ہزار 68 خیمے، 83.26 ٹن راشن، 1331 کمبل تے رضائیاں، 2232 پلاسٹک دیاں چٹائیاں، ہک سو سلیپنگ بیگز، 14 ہزار 450 مچھر دانیاں اتے 2600 جیری کینز ڈتے گن۔ایں توں پہلے این ڈی ایم اے ولوں جاری یومیہ صورتحال رپورٹ مطابق ملک دے سارے وڈے دریا معمول مطابق واہندے پن۔ ملک دے اتلے علاقیاں اچ کجھ جئیں تے مینھ وسنڑ دا امکان ہے ،تاں جو کہیں وڈے دریا اچ اوچے درجے دے سیلاب دا کوئی خطرہ کائن ہے۔
جاری سال مون سون سیزن دوران مختلف واقعات دی وجہ نال 232 بندے مر گن، 168 زخمی تھئے، خیبرپختونخوا اچ78، سندھ اچ 60، آزاد جموں و کشمیر اچ 42، پنجاب اچ 30، بلوچستان اچ 12، گلگت بلتستان اچ 8 اتے وفاقی دارالحکومت اچ 2 بندے جاں بحق تھئے، این ڈی ایم اے
مضمون کا ماخذ : bolão lotofácil
متعلقہ مضامین
