اسلام آباد ۔ 26 جون (اے پی پی)وزیر اعظم دی اقلیتاں دے حقوق دے تحفظ اتے ایں بارے مجوزہ قانون سازی دے عمل کوں تکھا کرنڑ دی ہدایت ڈیندیں ہوئیں آکھیا جو اقلیتاں دے حقوق دا تحفظ اتے زندگی دے ہر شعبے اچ ہکو سویں موقع ڈیونڑ حکومت دی پہلی ترجیح اے۔انہاں اے گالھیں جمعے کوں تحریک انصاف توں تعلق رکھنڑ آلی اقلیتی برادری دے ممبراں نال قومی اسمبلی اچ گالھ مہاڑکریندیں ہوئیں اکھی۔وزیراعظم نال ملاقات کرنڑ آلیاں اچ و جے پرکاش، شنیلہ رتھ، لعل چند، رمیش کمار، جمشید تھامس شامل ہن۔ایں موقع تے وزیر برائے مذہبی امور نورالحق قادری اتے پاکستان تحریک انصاف دے قومی اسمبلی اچ چیف وہپ ملک محمد عامر ڈوگر وی موجود ہن۔ایں موقع تے وزیراعظم اسلام آباد اچ مندر بنڑاونڑ بارے فنڈز جاری کرنڑ دی وی ہدایت کیتی۔
مضمون کا ماخذ : اسکریچ کارڈ لاٹری
