اسلام آباد۔07مئی(اے پی پی)چین کرونا نال نبڑن کیتے پاکستان دیاں کوششاں دی تعریف کریندے ہوئے گھٹ آمدن رہائشی منصوبے اچ سرمایہ کاری دی خواہش کیتی اے۔پاکستان اچ تعینات چین دے سفیر یاو جنگ آکھیے جو پاکستان کرونا نال نبڑن کیتے ویلھے تے اتے تیکھے اقدامات کیتن۔اے گالھ انہاں اسلام آباد اچ اطلاعات دی وفاقی وزیر سید شبلی فراز نال ملنڑ ویلھے آکھی۔ وزیر اطلاعات کرونا نال نبڑن کیتے چین دی حمایت دا شکریہ ادا کیتے اتے آکھیے وج ہر اوکھے سوکھے ویلے چین پاکستان دا پورا ہتھ ونڈائے جیڑھا پکی سنگت دا ثبوت اے۔وفاقی وزیر چینی سفیر کوں وزیراعظم عمران خان دی اگوانڑی اچ کرونا دے خلاف اقدامات بارے آگاہ کیتا اتے کرونا پاروں لاک داون نال متاثری غریب، مزدور طبقے سودھا صنعتی و تاجر برادری کیتے ریلیف پیکج بارے وی ڈسایا۔وفاقی یقین ڈیوایا جو پاکستان دی حکومت گھٹ آمدن رہائشی منصوبے اچ سرمایہ کاری دی صورت اچ چین کوں ہر سہولت ڈتی ویسی۔انہاں چین نال فن و ثقافت اتے میڈیا دے شعبے اچ تعاون جاری رکھنڑ دے معاملیاں تے الوائے اتےا ٓکھیے جو مشترکہ پیداوار دے مجوزہ معاہدے سانگے مسودے کوں حتمی شکل ڈے تے چین نال تفصیل ونڈی ویسی۔ملاقات وزارت اطلاعات اتے خارجہ دے حکام وی موجود ہن۔
وفاقی وزیر اطلاعات سید شبلی فراز نال چینی سفیر یاو جنگ دی ملاقات، کرونا نال نبڑن کیتے پاکستان دیاں کوششاں دی تعریف، گھٹ آمدن رہائشی منصوبے اچ سرمایہ کاری دی خواہش کر ڈتی
مضمون کا ماخذ : میگا سینا آن لائن
متعلقہ مضامین
