اسلام آباد ۔ 3 جون (اے پی پی) وزیر خارجہ مخدوم شاہ محمود قریشی آکھیے جو 25 فیصد پاکستانی خط غربت توں تلے زندگی گزریندے پئن ، کورونا وائرس دے معاشی مضمرات نال نبڑنڑ کیتے سارے ممکنہ اقدامات کیتے ویندے پن ۔ دفتر خارجہ دے مطابق وزیر خارجہ بدھ کو ں کینیڈا دی وزیر برائے بین الاقوامی ترقی کرینہ گولڈ نال ویڈیو لنک دے ذریعے رابطہ کیتا۔ڈوہیں وزرا وچال ڈو پاسے تعلقات، کورونا وائرس دی صورتحال اتے ایندے معاشی مضمرات سمیت سانجھی دلچسپی دے امور تے گال مہار تھئی ۔ وزیر خارجہ کورونا وباءدے حوالہ نال کینیڈاولوں چاتے گئے وختی اقدامات دی تعریف کریندے ہوئیں وبا نال نبڑنڑ کیتے ڈوہیں ملکاں دیاں سانجھیاں کوششاں بروئے کار گھن آونڑ دی ضرورت تے زور ڈتے۔ شاہ محمود قریشی آکھیے جو پاکستان اپنڑے محدود وسائل نال ہک پاسے کورونا نال نبڑدا پئے ڈوجھے پاسے معاشی بحران دا شکار لکھاں غریب پاکستانیاں دی معاشی معاونت کیتے کوشاں اے ۔
وزیر خارجہ شاہ محمود قریشی دا کینیڈا دی وزیر بین الاقوامی ترقی کرینہ گولڈ نال ویڈیو لنک دے ذریعے رابطہ
مضمون کا ماخذ : estratégias para loteria
متعلقہ مضامین
