اسلام آباد ۔ 8 اپریل (اے پی پی) وزیر خارجہ مخدوم شاہ محمود قریشی سنگاپور دے وزیر خارجہ وویان بالا کرشنن کوں تٰلی فون کیتے اتے انہاں نال کورونا وائرس دے کھنڈنڑ کوں روکنڑ اتے ایں عالمی چیلنج نال نبڑن کیتے گالھ مہاڑ کیتی۔ ترجمان دفتر خارجہ دے مطابق وزیر خارجہ شاہ محمود قریشی آکھیے جو کرونا دے خلاف سنگا پوروڈی مہارت نال ویلھے سر اقدامات کیتن جیڑھے قابل تعریف ہین۔انہاں سنگاپوراچ راہنڑ آلے پاکستانیاں دی وطن واپسی کیتے خصوصی معاونت تے سنگاپور حکومت دا شکریہ اداکیتے جڈاں جو سنگاپور دے وزیر خٓرجہ وی اپنڑے شہریاں دی واپسی کیتے پاکستانی حکومت دی تعریف کیتی۔شاہ محمود قریشی اپنڑے ہم منصب کوں پاکستان ولوں کرونا نال نبڑن کیتے اقدامات بارے ڈسایااتے خواہش کیتی جو پاکستان سنگاپوردی موبائل ایپلیکیشن ”ٹریس ٹو گیدر”کوں کرونا نال لڑن کیتے تجربے توں فیدہ چاونڑ چاہندے۔انہاں زور ڈتے جو کرونا دی وبا اچ ترقی پذیرت ملکاں توں عالمی قرض دا بھار لہاونڑ کیتے وزیراعظم عمران خان دی تجویز دی سنگاپور حمایت کرے۔ڈوہاں رہنماواں کرونا دی صورتحال ویلھے اپنڑی مشاورت جاری رکھنڑ دا فیصلہ کیتا۔
وزیر خارجہ مخدوم شاہ محمود قریشی دا سنگاپور دے وزیر خارجہ وویان بالا کرشنن کوں ٹیلی فون، کورونا دی صورتحال تے الوائے
مضمون کا ماخذ : جادوئی اسپن
متعلقہ مضامین
