پشاور۔16دسمبر(اے پی پی)وزیرا عظم عمران خان آکھیے جو سانحہ اے پی ایس پشاور پوری قوم کوں ہک مٹھ کیتے، دہشت گردی دے ایں افسوسناک واقعے تے پوری قوم مونجھی اے۔ اے ڳالھ انہاں پشاور انسٹیوٹ آف کارڈیالوجی دے افتتاح ویلھے آکھی۔ انہاں آکھیا جو لوکاں کوں صحت دیاں چنڳیاں سہولتاں ݙیوݨ حکومت دی ترجیح اے،خیبر پختونخوا حکومت دا شہریاں کوں مفت علاج ݙیوݨ اہم اقدام اے، غریب گھراں اچ بیماری پورے ٹبر کوں قرڄ وات کر ݙیندی اے، ہسپتالاں اچ اصلاحات دامقصد سہولیات چنڳیاں کرݨ اے، سرکاری ہسپتالاں دا معیار وی اینجھا ہووݨا چاہیدے جو او نجی ہسپتالاں دا مقابلہ کرسڳن، حکومت کولو اتنے وسائل کائنی جو او پورے ملک اچ ہسپتال بݨاوے ، ہیلتھ کارڈ دا اجرا صحت دے شعبہ اچ انقلاب ڳھن آسی۔ انہاں آکھیا جیکر کہیں ادارے اچ سزا و جزا نہ ہوسی تاں کامیاب نہ تھی سڳسی۔ انہاں آکھیا جو یونیورسل ہیلتھ سہولیات نال ہر غریب گھرانے کوں ریلیف ملسی جو او بیماری اچ ہیلتھ کارڈ توں فیدہ چا سڳسن۔ہیلتھ کارڈ پاروں نجی شعبہ پسماندہ علاقیاں اچ وی ہسپتال بݨیسی، پنجاب اچ نجی شعبہ کوں اوقاف دی زمیناں تے ہسپتال بݨاوݨ دی اجازت ݙتی ویسی۔
سانحہ اے پی ایس پشاور پوری قوم کوں ہک مٹھ کیتے، لوکاں کوں صحت دیاں چنڳیاں سہولتاں ݙیوݨ حکومت دی ترجیح اے، وزیر اعظم عمران خان
مضمون کا ماخذ : ایشیا ڈریگن
متعلقہ مضامین
