اسلام آباد03 ستمبر(اے پی پی)د خزانې او محصولات وفاقي وزير سېنېټر محمد اورنګزېب وئېلي دي د معيشت اشارې ښې او د پاكستان معيشت په سم لوري مخ په وړاندې روان دے ٬د معاشي استحكام بنياد اېښودلې شوے٬د ډهانچه جاتي اصلاحات عمل به روان وي٬د ټيكسونو بوج پورته كولو كښې ټولو طبقو له خپل كردار ادا كول پكار دي٬د صوبو په مشاورت څخه د آئي اېم اېف سره معاملات مخ په وړاندې روان دي٬د ډهانچه جاتي اصلاحات تسلسل په ځاې ساتلو څخه معاشي خود كفالت ترلاسه كولې شو۔د نهې په ورځ د قومي معيشت مهمو اړخونو په اړه خاص خبرو كښې د خزانې وزير سېنېټر محمد اورنګزېب ووئېل د معاشي استحكم په اړه ښه پېشرفت شوے٬ د تېرو 6 مياشتو كښې مونږ چې په كوم سفر وتلې وو او تراوسه روان يو٬د دې حقيقي ميوې راتلل پېل شوي٬د زرمبادله ذخائر زياتېدو سره د دوو مياشتو درآمدات لپاره كافي دي٬كرنسي مستحكمه ده٬د حسابات جاريه كهاتو خساره كمه شوې٬دغسې ليټر آف كريډټس٬درآمدات او په سرمايه كارۍ منافع منتقلۍ په اړه بيك لاك ختم كړے۔د خزانې وزير ووئيل د افراط زر شرح تر 38 فيصد رسېدلې وه٬تېر كال اګست كښې د افراط زر شرح 23.7 فيصد وه كومه چې اوس په كمېدو 9.6 فيصد شوې٬پالېسۍ ريټ كښې پرله پسې كمے راروان دے كوم څخه چې معيشت ته مرسته ترلاسه كېږي٬د پالېسۍ ريټ كښې به د كمي څخه صنعتونو او نورو څانګو ته ډېره ګټه ورسي٬په دې اقدامات كښې د خزانې٬سټېټ بانك او نورو ادارو كردار د ستائنې وړ دے۔ده ووئيل جولائي كښې ترسيلات زر كښې ځانګړې اضافه راغلې٬فچ او موډيز د پاكستان كريډټ ريټنګ كښې د يو نوچ اضافه كړې كوم چې د هېواد په معيشت د نړيوالو ادارو باور څرګندونه وي۔د خزانې وزير ووئيل د كلي معيشت استحكام نه پس مونږ له د پائيداره نمو پلو تلل دي٬د معاشي استحكام بنياد اېښودلې شوې٬په تېر وخت كښې چې كله هم نمو كېږي نو دې سره سره خسارې هم زياتېدې٬د دې صورتحال په لړ كښې د معيشت بنيادونه قوي كول ضروري دي۔د خزانې وزير ووئيل د محصولات بنياد او حجم كښې اضافه ضروري ده۔تېر كال د اېف بي آر په محصولات كښې 29 فيصد اضافه شوې خو د دې باوجود د مجموعي قامي پېداوار تناسب څخه د ټيكسونو شرح 8.8 فيصد ته نزدې وهاو كوم هم هېواد د دې شرح سره په پائيداره بنيادونو مخ په وړاندې نشي تللے۔د مجموعي قامي پېداوار تناسب څخه د ټيكسونو شرح تر 13 فيصد زياتولو لپاره عزم لرو۔د خزانې وزير ووئيل د قامي معيشت 43 فيصده برخه د يو فيصد څخه كم ټيكس وركوي٬د ټيكسونو بوج ټولو طبقو له په ګډه پورته كول دي او تنخا اخستونكې او مينو فيكچرنګ څانګه د وړاندې نه زيات ټيكس وركوي٬هوسل سيلرز٬ډسټري بيوټرز او ريټيلرز ته خواست دے چې هغوي د هېواد معيشت لپاره خپل كردار ادا كړي٬حكومت به هم د هغوي جائز مسائل واوري او د هغوي په ګټورو تجاويز به عملدرآمد اوشي٬ ده ووئېل د اېف بي آر د ټيكس ريټرن فائل كولو فارم هم آسان كړے شوے ۔د خزانې وزير ووئيل د ټيكس په نظام كښې د اصلاحات لړۍ روانه ده٬د دې ميوې به روانې مياشت كښې رامخې ته شي۔اېف بي آر پخپله وئېلي دي چې د 98 اربه روپو شارټ فال دے خو دا كتل پكار دي چې د 132 اربه روپۍ ري فنډ هم جاري كړې شوے كوم چې مهم پېشرفت دے او د دې څخه به د كيش مسئلو حل كولو له مرسته ترلاسه شي۔د رائټ سائزنګ په اړه په خبرو كښې د خزانې وزير ووئيل د وفاقي حكومت حجم كښې د كمي په اړه حكومت ډېر واضحه دے او د دې طريقه كار وضع كړے شوے۔رائټ سائزنګ كمېټۍ كښې 6 وزارتونه وړلې شوي وو چې پكښې دوه وزارتونه ضم كېدل دي۔د وزارتونو ضم كېدو له امله به د افسرانو شمېره كښې كمے راشي دغسې د ټولو خپلواكه ادارو وار په وار رابللو سره به په تفصيل څخه د هغوي دريځ اخستلے كېږي او د دغې له مخې هغه محكمې او ادارې بندولو٬ضم كولو يا منتقل كولو په اړه پريكړې كېږي او په دې پريكړو به عملدرآمد هم كېږي۔راتلونكې پړاؤ كښې به نور 5 وزارتونه كمېټۍ ته وړاندې كولې شي او دې سره سره د 1973 سول سروس ايكټ كښې بدلون راوستلو لپاره اتحادي ګوندونو سره هم مشاورت كوو۔د خزانې وزير ووئيل په حكومتي پريكړو به عملدرآمد كولې شي۔په تېر وخت كښې پريكړې شوي خو په هغې عملدرآمد نه دې شوې چې له امله يې مسئلې اوس هم موجود دي۔نړيوال مالياتي فنډ سره په معاملات خبرو كولو كښې ده ووئيل د آئي اېم اېف سره د سټاف په كچه لوظ نامه شوې٬د بهرني فنانسنګ په اړه هم مهم پېشرفت شوے٬ټول تفصيلات به په وخت بشپړ شي۔ده ووئيل ټولو صوبائي اعلٰی وزيرانو د سټاف پھ كچه په لوظ نامه كښې خپل كردار ادا كړے٬ په دې د هغوي مننه كوم۔د صوبو مشاورت څخه آئي اېم اېف سره معاملات مخ په وړاندې روان دي او انشاﺀ الله د وزيراعظم د وژن له مخې به دا د پاكستان آئي اېم اېف سره آخري پروګرام وي خو دې لپاره مونږ له د ډهانچه جاتي اصلاحات تسلسل په ځاے ساتل دي۔
د پاكستان معيشت په سم لوري مخ په وړاندې روان دے٬د معاشي استحكام بنياد اېښودلې شوے۔سېنېټر محمد اورنګزېب
مضمون کا ماخذ : نمبروں دا میگا سینا
متعلقہ مضامین
