اسلام آباد ۔ 2 مارچ (اے پی پی) الیکشن کمیشن سیاسی جماعتاں دے انٹرا پارٹی انتخابات دے معاملے تے پاکستان مسلم لیگ دے سربراہ چوھدری شجاعت حسین توں26 مارچ تئیں جواب منگ گھدے ۔سنوار کوں الیکشن کمیشن اچ پاکستان مسلم لیگ اتے مسلم لیگ فنکشنل دے انٹرا پارٹی انتخابات دے معاملے دی سماعت تھئی۔ چیف الیکشن کمشنر سکندر سلطان راجہ دی سربراہی اچ 5 رکنی بنچ سماعت کیتی۔ کمیشن پاکستان مسلم لیگ دے صدر چوھدری شجاعت کوں نوٹس جاری کر رکھیا ہئی تاں جو پاکستان مسلم لیگ ولوں کوئی پیش نہ تھیا جیں تے پاکستان مسلم لیگ دے صدر چوھدری شجاعت توں 26 مارچ تئیں جواب منگ گھدے ۔ مسلم لیگ فنکشنل ولوں الیکشن کمیشن اچ جواب جمع کراڈتے ، الیکشن کمیشن مسلم لیگ فنکشنل ولوں جمع کرائے گے جواب دا جائزہ گھن تے نوٹس خارج کرڈتے ۔
مضمون کا ماخذ : لاٹری جیتنے کی چانسز
