چیف منسٹر انصاف امداد پروگرام داآغاز، 10 ارب روپے مختص‘ ہک لکھ 70 ہزار مستحق خانداناں کیتے87 کروڑ روپے دے فنڈز جاری‘وزیر اعلی عثمان بزدار دا ایکسپوسنٹر لاہور اچ 1000 بستریں تے مشتمل ریکارڈ مدت اچ بنڑائے گے خصوصی فیلڈ ہسپتال دادورہ

لاہور۔یکم اپریل(اے پی پی )وزیر اعلی پنجاب سردار عثمان بزدار بدھ دے ڈینھ ایکسپوسنٹر لاہور اچ 1000 بستریں تے مشتمل ریکارڈ مدت اچ بنڑائے گئے خصوصی فیلڈ ہسپتال دادورہ کیتا ‘ وزیر اعلی فیلڈ ہسپتال اچ کورونا دے متاثرہ مریضاں دے علاج معالجے دیاں سہولتاں دا جائزہ گھدا تے فیلڈ ہسپتال دے مختلف سیکشنز دا معائنہ اتے تشخیصی کاونٹر، ریسکیو، کمانڈ اینڈ کنٹرول روم، ایمبولینس اتے بیاں سہولتان دا مشاہدہ وی وی کیتا ‘وزیر اعلی عثمان بزدار ایں موقع تے آکھیے جو محکمہ صحت ، ضلعی انتظامیہ تے ریسکیو 1122 دیاں مشرکہ کاوشاں دے 1000 بستریں تے مشتمل فیلڈ ہسپتال بنڑایا گے ‘ میں 9 ڈینھ پہلے ایکسپو سنٹر دا دورہ کر تے ہسپتال دے تعمیراتی کماں دا جائزہ گھدا ہئی ‘ اللہ تعالی دے کرم اتے میڈی ٹیم ڈینھ رات دی محنت نال ہک ہزار بستریں تے مشتمل فیلڈ ہسپتال ریکارڈ مدت اچ تیار تھئے ‘9 ڈینھ اچ 1000 بستریں تے مشتمل فیلڈ ہسپتال کوں فنکشنل کرنڑ احسن اقدام اے‘وزیر اعلی عثمان بزدار آکھیے جو میں محکمہ صحت، ضلعی انتظامیہ اتے ریسکیو1122 دے حکام کوں شاباش ڈینداں ‘ ہسپتال اچ ساریاں ضروری سہولتاں ڈتیاں گئن ۔فیلڈ ہسپتال اچ ترائے ٹائم دے کھانڑیںد ا انتظام وی ہے ‘ایں فیلڈ ہسپتال اچ مریضاں کوں آئسولیشن اچ رکھیا ویسی‘ کورونا وائرس توں محفوظ رہنڑ دا بہترین حل گھرا ںاچ رہنڑ اے ۔ انہاں آکھیے جو بئے ہسپتالاں تے وی پوری توجہ ڈیندے پیوں ‘ کورونا وائرس دی تشخیص کیتے پنجاب اچ نویاں 8 لیب بنڑیسوں ‘تشخیصی لیبز کیتے 62 کروڑ روپے دے فنڈز جاری کر ڈتن ‘8تشخیصی لیبز دے قیام نال کورونا وائرس دی ٹیسٹنگ دی سہولتن اچ ودھارا تھیسی ۔ وزیراعلی عثمان بزدار آکھیے جو کورونا وائرس دے کیسز سامنڑے آونڑ تے رائے ونڈ کوں قرنطینہ کیتا گئے ‘دیہاڑی دار مزدوراں کوں ریلیف ڈیونڑ کیتے چیف منسٹر انصاف امداد پروگرام دا آغاز کرڈتا گئے ‘زکوةدے مستحق ہک لکھ 70 ہزار خانداناں دی امداد کیتے87 کروڑ روپے دے فنڈز جاری کر ڈتن ‘وزیر اعلی انصاف امداد پروگرام دے تحت انہاں لوکاں کوں کل تئیں مالی امداد پج ویسی ‘پنجاب دی تاریخ اچ پہلی واری امداد ڈیونڑ دا بہوں شفاف تے تکھا طریقہ اختیار کیتا گئے ‘چیف منسٹر انصاف امداد پروگرام کیتے 10 ارب روپے مختص کیتے گئن ‘ 25 لکھ مستحق خانداناں کوں 4 ہزار روپے دی مالی امداد ڈتی ویسی ‘وزیر اعلی پنجاب انصاف امداد پروگرام دا سارا نظام آن لائن اے ‘ درخواست ڈیونڑ آلیں دے کوائف دی تصدیق کیتی ویسی تے لکھاں لوکاںکوں تصدیق دے بعد اے امداد وختی ڈتی ویسی ۔ آن لائن صرف ناں، شناختی کارڈ نمبر اتے موبائل فون نمبر دی معلومات گھدی ویسی ۔مالی امداد دی ادائیگی وی آن لائن ہی ہوسی اتے درخواست گزار شکایٹاں وی آن لائن درج کرا سگسن ۔ صوبائی وزیر صحت ڈاکٹر یاسمین راشد،صوبائی وزیر اطلاعات فیاض الحسن چوہان،اراکین پنجاب اسمبلی مسرت جمشید چیمہ،عظمی کاردار،سعدیہ سہیل،سیکرٹری سپیشلائزڈ ہیلتھ کیئر و میڈیکل ایجوکیشن،کمشنر لاہور ڈویژن، سیکرٹری اطلاعات، ڈی جی ریسکیو1122اتے متعلقہ حکام وی ایں موقع تے موجود ہن ۔