اسلام آباد۔23فروری(اے پی پی)پاکستان عالمی برادری کوں آکھیے جو او مقبوضہ جموں و کشمیر اچ تریمتیں تے منظم تشدد مکاوݨ کیتے اقدامات کرے۔ ترجمان دفتر خارجہ زاہد حفیظ چوہدری آکھیے جو مقبوضہ جموں و کشمیر اچ منظم تشدد اتے اجتماعی زیادتی دے واقعات یو این ہائی کمشنر برائے انسانی حقوق سودھا کئی آزاد کمشنز،انسانی حقوق دی تنظیماں،عالمی میڈیا اتے سول سوسائٹی تنظیماں دستاویزی شکل اچ جاری کیتن۔ اڄ اساں 23 فروری 1991 کوں مقبوضہ کشمیر دے گاوں کنن اتے پوشپورہ اچ کشمیری تریمتیں دی اجتماعی زیادتی دے واقعات یاد کریندے پئے ہیں، اے بدقسمت ݙینھ عالمی برادری دے اجتماعی یادداشت تے ہک سیاہ دھبے آلی کار موجود اے، بھارت اڄ وی اپݨے غیر قانونی زیر تسلط علاقے اچ ریپ،تشدد اتے کشمیری تریمتیں دے قتل کوں ریاستی دہشت گردی دے آلہ دے طور تے استعمال کریندا پئے، 5 اگست 2019 دے غیر قانونی یکطرفہ اقدامات دے بعد بھارتی فورسز ولوں گھناونے جرائم اچ ٻئی تیزی آئی اے۔
عالمی برادری بھارت دے غیر قانونی زیر تسلط جموں و کشمیر اچ تریمتیں تے منظم تشدد مکاوݨ کتیے کردارادا کرے، پاکستان
مضمون کا ماخذ : کڑک
متعلقہ مضامین
