اسلام آباد۔16اکتوبر (اے پی پی) شنگھائی تعاون تنظیم (ایس سی او) دے سربراہان حکومت دی کونسل دا23 واں اجلاس رکن ملکاں وچال وسیع تر اشتراک کار دے عزم نال بدھ کوں مُک ڳئیا۔ ایں موقع تے وزیراعظم شہباز شریف روس دے وزیرا??ظم میخائل مشوستن کوں کونسل دی چیئرمین شپ سنبھالݨ تے مبارخ ݙیدنیں ہوئیں پاکستان ولوں انہاں کوں پورے تعاون دا یقین ݙوایا۔ انہاں آکھیا جو ایس سی او سربراہان کونسل داآندا اجلاس 2025 اچ روس اچ تھیسے۔ وزیرا??ظم ایس سی او سربراہ کونسل دے اجلاس دی صدارت کریندیں ہوئیں آپݨے چھیکڑی کلمات اچ آکھیا جو اجلاس اچ رکن ملکاں آپݨی آوݨ آلی نسلاں کوں بہتر اتے پائیدار مستقبل کیتے سانجھے عزم کوں اجاگر کیتے۔ انہاں آکھیا جو ایس سی او دے اہداف اتے مقاصد کیتے پاکستان ولوں پوری حمایت دے عزم دا اعادہ کریندوں۔ انہاں آکھیا جو اساکوں آپسی اختلاف بھلا تے سانجھے چیلنجز کوں حل کرݨ اتے ہک ݙوجھے دے ہتھ اچ ہتھ ݙے تے آپݨی عوام دے فیدے اتے ترقی کیتے کردار ادا کرݨا پوسی۔ ایں موقع تے وزیرا??ظم محمدشہبازشریف آکھیا جو اساں غزہ اچ اڄوکے جاری نسل کشی کوں نی وسار سڳدے۔ عالمی برادری کوں بربریت روکݨ کیتے اقدامات کرݨے پوسن۔ غزہ اچ جارحیت ہک المیہ اے۔ اتھ فوری اتے غیر مشروط جنگ بندی دی لوڑھ اے۔ وزیرا??ظم آکھیا جو مشرق وسطیٰ اچ پائیدار امن کیتے آزاد فلسطینی ریاست ٻہوں ضروری اے جئیں دی سرحداں 1967 توں پہلے دی بنیاد تے ہوون اتے جئیں دا دارالحکومت القدس الشریف ہووے۔ تنظیم دے رکن ملکاں دے سربراہان حکومت اجلاس دے سانجھے اعلامیہ دی دستاویزات تے دستخط کیتے جئیں اچ سانجھا اعلامیہ اتے اقتصادی تے تجارتی تعاون کوں ودھاوݨ دے نال ایس سی او دے مستقل اداریاں دے مستعدی نال کم کوں یقینی ٻݨاوݨ بارے فیصلے شامل ہن۔ ایں تقریب اچ شنگھائی تعاون تنظیم دے رکن ملکاں دے رہنما جئں اچ چین دی سٹیٹ کونسل دے وزیر ا??ظم لی چیانگ، بیلاروس دے وزیر ا??ظم رومن گولوو چینکو ، قازقستان دے وزیر ا??ظم اولزہاس بیکوتینوو، روس دے وزیر ا??ظم میخائل مشوستن ، تاجک وزیر اعظم کو ہر رسول زادہ ، ازبک وزیر اعظم وزیر عبداللہ اریپوف، کرغزستان دے وزراء کابینہ دے چیئرم??ن اکیل بیک جاپاروف ، ایران دے وزیر تجارت سید محمد اتابیک اتے بھارتی وزیر خارجہ سبرامنیم جے شنکر شریک تھیے۔ ایندے علاوہ منگولیا ہک مبصر ریاست دے طور سربراہی اجلاس اچ شرکت کیتی جئیں دی نمائندگی وزیر ا??ظم اويون اردين لويسنامسراينے کیتی اتے ترکمانستان دے وزراء دی کابینہ دے نائب چیئرمین راشد میریدوف شریک تھیے۔ اجلاس اچ شریک تھیوݨ آلے ٻئے معززین اچ ایس سی او دے سیکرٹری جنرل ژانگ منگ، ڈائریکٹر ایگزیکٹو کمیٹی ایس سی او ریجنل اینٹی ٹیررسٹ سٹرکچر رسلان مرزائیف، بورڈ آف ایس سی او بزنس کونسل دے چیئرمین عاطف اکرام شیخ اتے کونسل آف ایس سی او انٹر بینک یونین دے چیئرمین مارات ییلی بائیف شامل ہن۔ وزیرا??ظم شنگھائی تعاون تنظیم دے اجلاس دی کامیابی تے سارے قومی کوآرڈینیٹرز ، ماہرین اتے ایس سی او سیکرٹریٹ دے عملہ سودھے منتظمین دا شکریہ ادا کیتا اتے انہاں کوں مبارخ ݙتی جنہاں دستاویزات اتے بئے انتظامات کوں چھیکڑی شکل ݙیوݨ اچ جانفشانی نال کم کیتے۔
شنگھائی تعاون تنظیم دے سربراہان حکومت دی کونسل دا23 واں اجلاس مُک ڳئیا، صدارت روس دے حوالے
مضمون کا ماخذ : میگا ملینز کے فاتحین
متعلقہ مضامین
