اسلام آباد 27مارچ(اے پی پی)د اطلاعات او خپرونو وفاقي وزير عطاﺀ الله تارړ وئېلي دي په بشام كښې رامخې ته شوې افسوس ناكه پېښه د پاك چين ملګرتيا ته د زيان رسولو هڅه ده٬وزيراعظم د پېښې بشپړه پلټنو هدايت كړے٬ د ترهه ګرۍ تر خاتمې به په قلاره نه كېښنو٬د خپل ځان او د خپلو دوستانو دفاع كولې شو٬د وفاق ټولې برخې په يو پيج دي٬چاته به هم د پاكستان په ضد د خپلې خاورې كارولو اجازه ورنه كړې شي ٬پاك چين ملګرتيا به انشاﺀالله قائم وي۔د شورو په ورځ پي ټي وي هېډكوارټرز كښې پرېس كنفرنس ته په خپله وينا كښې د اطلاعات او خپرونو وفاقي وزير ووئېل تېره ورځ بشام كښې افسوسناكه پیښه رامخې ته شوې د دغې چې څومره غندنه وشي لږه ده٬دا پیښه د پاكستان او چين ملګرتيا ته د زيان رسولو هڅه وه۔ده ووئيل چين پاكستان آزمائېلې شوي ملګري دي٬به هر سخت وخت كښې په نړيوال فورمز چين تل پاكستان سره ولاړ پاتي دے ۔ده ووئيل سي پیك په هېواد كښې د معاشي پرمختګ ضامن دے٬د سي پیك له امله زمونږ جي ډي پي كښې اضافه شوې٬ دې څخه به په هېواد كښې د روزګار په لاكهونو نوې موقعې راپېدا شي۔ده ووئيل د پرونې پیښې نه پس وزيراعظم شهباز شريف ټول مصروفيات په پرېښودلو د چين سفارتخانې دوره وكړه او د چين سفير سره په قيمتي ځاني زيان ئې د غمرازۍ څرګندونه وكړه۔ده ووئيل وزيراعظم د چين سفير ته د ترهه ګرۍ پیښې د بشپړه پلټنو باور وركړو او ووئېل ئي چې د پاكستان حكومت به د ترهه ګرۍ تر خاتمې كومه بسې غوري ونه كړي۔وفاقي وزير ووئيل مونږ خپل چينائي وروڼو سره د يووالي څرګندونه كوو٬دا ډول پیښې د پاك چين ملګرتيا ته د زيان رسولو هڅه ده۔پاك چين ملګرتيا به انشاﺀالله قائم وي۔وفاقي وزير عطاﺀالله تارړ ووئېل نن وزيراعظم محمد شهباز شريف د امنيت په اړه د اعلٰی كچ غونډې مشري كړې٬په غونډه كښې وفاقي وزيرانو٬چيف آف آرمي سټاف٬د څلورو واړو صوبو اعلٰی وزيرانو٬چيف سېكرټريز٬آئي جيز٬د ګلګت بلتستان چيف سېكرټري او آئي جي ګډون كولو۔ده ووئيل په غونډه كښې د ترهه ګرۍ د بشپړه خاتمې د عزم پخلے وكړے شو او قام ته پیغام وركړے شو چې د پاكستان سالميت او مفاد له د وفاق ټولې برخې په يو پیج دي٬مونږ د خپل ځان او د خپلو پخوانو ملګرو دفاع كولې شو۔په دې اړه نن د امنيتي ځواكونو كردار هم وستائېلے شو چا چې د ګوادر٬تربت پیښو كښې د قيمتي ځانونو د ضيائع كولو هڅې ناكامه كړي۔وفاقي وزير ووئيل په غونډه كښې په دې امر هم خبرې وشوې چې د دې ډول پیښو مخ نيوي لپاره چې كومه حكمت عملي جوړه شوې دې لپاره به خپل مشاورت كوټلي كولو ميكنزم جوړولې شي۔ده ووئيل په غونډه كښې د چين وګړو وژنې پیښې پلټنو په اړه جے آئي ټي په جوړولو هم مشاورت وشو۔په غونډه كښې د ګډون كوونكو حوصلې لوړې وې او ټول په يو پيج وو۔ده ووئيل په كال 2013 كښې چې كله مونږ په اقتدار كښې راغلو نو هره ورځ به د ترهه ګرۍ پیښې رامخې ته كېدې خو په كال 2018 كښې مونږ يو پرامن پاكستان پرېښے ؤ۔ده ووئيل زمونږ ښكاره پېغام دا دے چې د ترهه ګرۍ تر خاتمې به په قلاره نه كېښنو۔ده ووئيل د چين قام او مشرتابه لپاره زمونږ جذبات شته٬دا هغه قام دے چا چې د پاكستان په هر ډګر ملګرتيا كړی٬مونږ د هغوي په غم كښې برابر شريك يو او د پېښو مخ نيوي باور وركوو۔د يوې پوښتنې په ځواب كښې ده ووئيل د چين وګړو امنيت په اړه اېس او پيز موجود دي ۔ده ووئيل د چين وګړو دوه كيټيګريز دي٬يو سي پیك او بل د نورو پروژو كار كوونكې ٬دواړو ته به امنيت باوري كولې شي۔د يوې پوښتنې په ځواب كښې ده ووئيل د پي ټي آئي باني٬عثمان بزدار او محمود خان د نېشنل ايكشن پلان اپيكس كمېټۍ غونډې رابللو څخه چا منع كړې وو؟د عمران خان حكومت دې ته پام ولې نه دې كړے۔د يوې پوښتنې په ځواب كښې د اطلاعات وزير ووئيل د وزيراعظم شهباز شريف د چين لپاره جذبات څخه ټول قام خبر دے٬چين سره زمونږ اړيكې د نن څخه نه دي بلكه د څو لسيزو څخه پخوانۍ دي۔د اطلاعات او خپرونو وفاقي وزير ووئيل مونږ به د ترهه ګرۍ ناسور خاتمه كوو٬نن په غونډه كښې د خېبرپښتونخوا وزيراعلٰی علي امين ګنډا پور هم د ويډيو لنك د لارې موجود ؤ ٬هغه هم د ټولو د موقف تائيد كړے او د ترهه ګرۍ په ضد جنګ كښې ئې د خپل كردار ادا كولو په اړه د ښه جذبات څرګندونه كړې۔ده ووئيل په دې معامله ټول قام په يو پيج دے۔د ترهه ګرۍ سدباب دې وكړی شي۔د يوې پوښتنې په ځواب كښې وفاقي وزير ووئيل امنيتي ځوانانو د هېواد په خاطر د خپل ځان قربانۍ وركړي٬هغوي ته د عقيدت پېرزوئنې وړاندې كوو۔وزيراعظم شهباز شريف د ګوادر لپاره سيف سټي پراجېكټ اعلان كړے ؤ ٬ده د بلوچستان وزيراعلٰی ته وئېلي دي چې هغه په دې كار پېل كړي۔وفاقي وزير ووئيل د قامي اسمبلۍ غونډه د يكم اپرېل څخه پېل كېږي٬په دې كښې د چين وګړو په افسوس ناكه پیښه به هم خبرې كېږي۔اپوزېشن ته به هم اووايو چې هغوي په دې معامله كښې خپل كردار ادا كړي۔
د ترهه ګرۍ تر خاتمې به په قلاره نه كېښنو٬د خپل ځان او د خپلو دوستانو دفاع كولې شو٬د وفاق ټولې برخې په يو پيج دي٬چاله به هم د پاكستان په ضد د خپلې خاورې كارولو اجازه ورنه كړې شي ۔عطاﺀ تارړ
مضمون کا ماخذ : como ganhar na raspadinha
متعلقہ مضامین
