کوئټه ۔22مئی (اے پی پی) وزيراعظم شهباز شريف وئيلي دي په بلوچستان كښې 19كاله پس د قامي لوبو كېدل خوشبينه دي ٬ حكومت به د لوبو په لړ كښې د ځوانانو استعداد زياتولو لپاره ټولې وسيلې كاروي٬ هغه قامونه پرمختګ كوي كوم چې د زده كړو پهشمول په هره څانګه كښې د خپلو صلاحيتونو څرګندونه كوي٬ د پاكستان ځوانان بلها صلاحيتونه لري ٬ د دې په كارولو په ګرده نړۍ كښې د لوبو په سيالو كښې د پاكستان نامه روښانه كېدې شي٬ دې لپاره بنيادي شرط موقعې رامخې ته كول او د كار استعداد زياتول دي٬ د 9 مئ پېښې د غندنې وړ دي او په دې کښې ککړ به سزا سره مخ كولے شي ٬ دغسې چې تر قیامته داسې پېښې بیا تکرار نه شي، دښمن په تېرو 75 كلونو كښې هغه څه نه دي كړې كوم چې عمران خان وكړل٬ 9مئي د پاکستان په تاریخ کښې توره ورځ ده۔ په دې مهال وزيراعظم شهباز شريف د 34م نېشنل ګېمز پرانسته وكړه په كومو كښې چې د 32 بېلو لوبو 6 زره نه زيات لوبغاړي برخه اخلي۔ په دې موقع وزيراعظم سره وفاقي وزيره مريم اورنګزېب ٬ د بلوچستان ګورنر عبد الولي خان كاكړ او د بلوچستان وزيراعلې مير عبد القدوس بزنجو هم موجود وو۔ وزیراعظم ته په نېشنل ګېمز كښې د شاملو لوبغاړو لخوا سلامي وكړې شوه۔ په دې موقع دستورې ته خپل خطاب كښې وزيراعظم ووئيل لوبغاړو په خپله خوارۍ او قابليت نه يواځې په خپل هېواد كښې بلكې په بهر نړۍ كښې هم د پاكستان بېرغ د خپلو كاميابو د لارې هسك كړے٬ وفاقي حكومت او ټول اولس دوي ته مباركي وركوي٬ ګورنر ٬ وزيراعلی او انتظامي كمېټۍ ته د دې غوره دستورې په كولو مباركي وركوؤ۔ د امنيت په غوره انتظامات د قانون نافذ كوؤنكو ادارو مننه كوؤ۔ وزيراعظم ووئيل 19 كاله پس په بلوچستان كښې نېشنل ګېمز كېږي٬ دا يوه مباركه ورځ ده ٬ دا ګېمز په هغه ښار كښې كېږي چرته چې قائداعظم په كال 1948 كښې تشريف راوړو ؤ ٬ په دې ښار كښې د دې ګېمز كېدل پاكستان سره د مينې عكاسي كوي۔ ده ووئيل د پاكستان ځوانان بلها صلاحيتونه لري ٬ د دې په كارولو په ګرده نړۍ كښې د لوبو په سيالو كښې د پاكستان نامه روښانه كېدې شي٬ دې لپاره بنيادي شرط موقعې رامخې ته كول او د كار استعداد زياتول دي۔ ده ووئيل چې څنګه په تېر دور كښې زمونږ حكومت لېپ ټاپ ووېشل ٬ دانش سكولونه يۍ جوړ كړل ٬ د لوبو مېدانونه يۍ آباد كړل ٬ كاميابي ترلاسه كوؤنكو ته يۍ انعامونه وركړل ٬ دغسې به د لوبو مېدانونو له هم وفاقي حكومت خپل ټول وسائل وكاروي۔ ده ووئيل د بلوچستان په شمول ګرد پاكستان كښې امن راوستلے شو۔ د نن نه 15 ٬ 20 كاله وړاندې د پاكستان كومه سيمه د ترهګرۍ نه محفوظ نه وه٬ قانون نافذ كوؤنكو ادارو د دغې د نوغي ويستلو پرېكړه وكړه او دې لپاره يۍ قربانۍ وركړې۔ ده ووئېل یعه دغه ورځو كښې په آرمي پبلك سكول پېښور بريد وشو٬ په جي اېچ كيو بريدونه وكړے شول٬ د يوې منظمې ترهګرۍ چپې پاكستان په خپله ولقه كښې اخستې وو۔ دا د پاك پروردګار كرم دے چې د سترو قربانيو په نتيجه كښې ترهګري ختمه كړې شوه۔ اوس هم په ځينې ځايونو كښې د ترهګر ځينې پېښې رامخې ته كېږي خو دا به هم په بشپړه توګه ختمولې شي۔ ده ووئيل د 9 مئي اوسنۍ پېښې د افسوس وړ دي۔ په لاهور كښې جناح هاؤس او په زيارت كښې د قائداعظم استوګنې ته زيان رسولے شوے۔ دا كار د ترهګرو دے هېواد سره د مينې لرونكو نه دے۔ په رېډيو پاكستان كښې كال 1947 څخه تر دې دمه موجود ريكارډ وسوځولے شو۔ دا هغه رېډيو پاكستان دے كوم چې اولس ته د آزادۍ زېرے وركړے ؤ ٬ په جی اېچ کیو پنډۍ بريد وكړے شو۔ ده ووئيل كومو كسانو چې دا ناوړه كار كړے او د پاكستان د شهيدانو او غازيانو بې حرمتي يۍ كړې ٬ هغه په هېڅ صورت د بخښلو وړ نه دي۔ ده ووئيل 9 مئي به د هېواد په تاريخ كښې د تورې ورځې په توګه ياد ساتلې شي۔ ده ووئيل قانون به حركت كښې راځي او ككړو كسانو ته به سمه سزا وركولې شي دغسې چې تر قيامت ورځې څوك داسې ناوړه حركت بيا ونه كړي۔ ده ووئيل دا ننۍ په زړه پورې ايونټ د قامي يووالي عكاسي كوي٬ دا د پاكستان د هرې څانګې د عظيم هېواد جوړولو عزم او جذبه ده٬ مونږ ځوانانو ته سلام كوؤ او دوي سره لوظ كوؤ چې مونږ به ټول ترلاسه وسائل تاسو ته دركوؤ٬ دا ځوانان د پاكستان سباؤن دے۔
حكومت به په لوبو كښې د ځوانانو استعداد زياتولو له ټول وسائل كاروي٬ د وزيراعظم د 34 م نېشنل ګېمز پرانستې دستورې ته خطاب
مضمون کا ماخذ : پاور بال جیتنے کے طریقے
متعلقہ مضامین
.jpg)
.jpg)