اسلام آباد ۔ 9 اپریل (اے پی پی) وزیراعظم عمران خان آکھیے جو بھارت تے اسرائیل دے رہنما ووٹاں دی خاطر مقبوضہ کشمیر تے مغربی کنارے تے قبضہ جماونڑ کیتے اخلاقی دیوالیہ پن دا مظاہرہ کریندے پن۔اے گال انہاں منگل کوں اپنڑے ٹویٹ اچ آکھی اے ۔انہاں آکھے جو جڈاں بھارت تے اسرائیلی رہنما صرف ووٹاں کیتے اخلاقی دیوالیہ پن اچ مقبوضہ کشمیر تے مغربی کنارے تے عالمی قوانین ،سلامتی کونسل دیاں قرارداداں تے اپنڑے آئین دے برعکس قبضہ جماونڑ دا نعرہ لیندن تاں کیا انہاں دے عوام کوں حیرانگی تے کاوڑ کائنی آندی او انہاں توں پچھدے وی نئی جو انتخابات جتنڑ کیتے کیرھی حد تئیں ویسو؟
مضمون کا ماخذ : بفیلو بلٹز
