اسلام آباد ۔ 25 نومبر (اے پی پی) وزیر اعظم دے معاون خصوصی برائے صحت ڈاکٹر ظفر مرزاآکھیے جو حکومت دے چنگے اتے تیکھے اقدمات پاروں صحت دے شعبہ اچ ضرور انقلاب آسی۔ اے گالھ انہاں میڈیا نال الویندے آکھی۔انہاں آکھیے جو قومی سطح تے ہک ورکشاپ تھیندی پئی اے،پاکستان دی ہیلتھ سروسزکیتے ہک پیکج ڈتے جیندا مقصد صحت دی سہولیات چنگیاں کرنڑ اے۔ انہاں آکھیے جو پرائمری ہیلتھ کیئر نال وڈے ہسپتالاں تئیں سہولتاں ڈتیاں ویسن،آندے کجھ ڈینھاں اچ رُورل ہیلتھ سینٹر شاہ اللہ دتّااچ وی ایندا افتتاح کیتا ویسی۔ انہاں آکھیے جو اسلام آباد دے 16 ہیلتھ یونٹ کوں بہتر کیتا ویندا پئے، پمز، پولی کلینک سودھے سارے وڈے ہسپتالاں کوں چنگا کرنڑ سودھا کمپیوٹرائزڈ وی کتیا ویسی۔
مضمون کا ماخذ : میٹھا بونانزا
