اسلام آباد۔21مارچ(اے پی پی)سیکورٹی فورسزپاک افغان سرحد تے کامیاب کارروائی کریندے ہوئے دہشتگرداں نال جھڑپ توں بعدچار مغوی ایرانی فوجی بازیاب کرا گھدن۔اے کارروائی چاغی دے نیڑے اموری اچ خفیہ اطلاع تے کیتی گئی،دہشتگردمغوی اہلکاراں کوں گھن تے افغانستان توں پاکستان دی حدود اچ وڑیے ہن، ایں کامیابی تے ایران دا پاکستان نال اظہار تشکر۔پاک فوج دے شعبہ تعلقات عامہ (آئی ایس پی آر)ولوں ڈسایا گئے جو سیکیورٹی فورسزبلوچستان دے ضلع چاغی دے نیڑے اموری اچ کامیاب آپریشن کیتے۔ اے علاقہ پاک افغان سرحد توں ترائے چار کلومیٹر دے پندھ تے ہے۔ سیکورٹی فورسز کوں خفیہ اطلاع ملی ہئی جو ہک کالعدم تنظیم دے دہشت گرد افغانستان توں پاکستان وڑین جیڑھے اپنڑے نال مغوی اہلکاراں کوں گھدی ودن۔ایں کارروائی اچ مسلح جھڑپ وی تھئی جیندے بعد ایرانی فوجیاں کوںدہشت گرداں دے عارضی ٹھکانے توں بازیاب کرا گھدا گئے۔انہاں فوجیاں کوں ایرانی حکام دے حوالے کیتا ویندا پئے۔سولہان اکتوبر کوں دہشتگرداں ہک دوجن توں ودھ ایرانی گارڈ اغوا کر گھدے ہن۔دہشتگرد گروپ ”جیش العدل“ایں اغوا دی ذمہ داری منی ہئی۔بعد اچ نومبرکوں پاکستانی سیکیورٹی اداریاں دی کوشش نال مغوی ایرانی گارڈزاچوں 5 اہلکارں کوں بازیاب کرا گھدا گیا ہا۔ایں کامیاب کارروائی تے ایران پاکستانی حکومت اتے پاک فوج دا شکریہ ادا کیتے۔
سیکورٹی فورسز دی پاک افغان سرحد تے کامیاب کارروائی،چار مغوی ایرانی فوجی بازیاب کرا گھدن
مضمون کا ماخذ : میگا ملینز آن لائن ٹکٹ
متعلقہ مضامین
