لاہور ۔ 8 اپریل (اے پی پی) صدر ڈاکٹر عارف علوی نال وزیراعلیٰ پنجاب سردار عثمان خان بزدار گورنر ہاوس لاہور اچ ملین اتے صوبے اچ کرونا دی صورتحال تے الوائے۔وزیراعلیٰ پنجاب صدر مملکت کوں صوبے اچ کرونا نال نبڑن کیتے لاک ڈاون دی صورتحال، ہسپتالاں اچ علاج معالجے دی سہولیات،لوکاں دے تحفظ کیتے اقدامات، ماسک، وینٹی لیٹرز اتے بئے طبی سامان دی دستیابی، ڈاکٹراں اتے طبی وعملے کیتے حفاظتی اقدامات و مراعات سودھا محکمہ صحت، ضلعی انتظامیہ اتے امدادی اداریاں دے گانڈھے نال اقدامات بارے ڈسایا۔انہاں ڈسایا جو صوبے اچ کرونا دی صورتحال قابو اچ اے، لوکاں دی سحت دے تحفظ کیتے اقدامات اتے احتیاطاں تے ودھ توجہ ڈتی ویندی پئی اے۔ انہاں قرنطینہ سنٹراں اچ سہولتاں بارے وی صدر کوں آگاہ کیتے۔صدر مملکت کرونا نال نبڑن کیتے صوبائی حکومت دے اقدامات دی تعریف کریندے زور ڈتے جو لوکاں دے تحفظ اتے کرونا نال متاثرہ لوکاں دی صحت کیتے ودھ توں ودھ اقدامات یقینی بنڑائے ونجن۔
صدر مملکت ڈاکٹر عارف علوی نال وزیر اعلیٰ پنجاب سردار عثمان خان بزداردی ملاقات، کرونا دی صورتحال تے گالھ مہاڑ
مضمون کا ماخذ : فا فا فا ۔
متعلقہ مضامین
