طلباء اچ محنت دی عادت پاوݨ اتے جدید علوم سکھݨ سانڳے نویں ٹیکنالوجی دا استعمال ٻہوں ضروری اے ،ماہر اقبالیات پروفیسر ڈاکٹر عبدالواجد تبسم دی اے پی پی ٹی وی دے پروگرام ,,اے پی پی ایکسکلوسو ود ڈاکٹر سعدیہ کمال,, اچ ڳالھ مہاڑ

اسلام آباد۔25نومبر(اے پی پی)ممتاز ماہر تعلیم اتے ماہر اقبالیات پروفیسر ڈاکٹر عبدالواجد تبسم آکھیے جو جدید ٹیکنالوجی کوں استعمال کر تے اساں آپݨا مستقبل روشن کر سڳدوں اتے ایں جدید دور اچ جڳ دے اندر باوقار مقام ڳھن سگدوں۔طلباء محنت دی عادت پاوݨ اتے جدید علوم سکھݨ سانڳے ٹیکنالوجی دا استعمال ضروری اے۔والدین کہیں وی شعبے اچ ونجݨ اچ آپݨے بالاں کوں آزادی ݙیوݨ تانجواومحت کرن اتے کامیاب تھی سڳن۔اے پی پی ٹی وی دے پروگرام ,,اے پی پی ایکسکلوسو ود ڈاکٹر سعدیہ کمال,, اچ ڳالھ مہاڑ کریندیں انہاں آکھیا جو طلباء محنت دی عادت پاوݨ اتے جدید علوم سکھݨ سانڳے ٹیکنالوجی دا استعمال ٻہوں ضروری اے۔اساتذہ صرف ݙگری گھنݨ سانگے طلباء کوں تعلیم نہ ݙیون جݙانجو آپݨی حیاتی دا تجربہ اتے احساس وی انہاں کوں ݙیون تانجو او محنت کر تے معاشرے اچ چنڳا کردار ادا کر سڳن۔علم مومن دی ونڄی ہوئی میراث اے اتے اساڈے طلباء آپݨی دلچسپی دے مطابق سارے شعبیاں اچ ترقی دے منزلاں چڑھ تے کامیاب تھی سڳدن۔انہاں آکھیا جو کہیں وی چیز دا مستقبل اساں آپݨی محنت اتے خلوص نال کم کر تے خود بݨا سڳدوں۔اساݙے معاشرے اتے سوسائٹی اچ ہݨ وی چنڳے استاد۔ڈاکٹرز توں ڳھن کراہیں چنڳے مکینک اتے چنڳے درزی دی وی لوڑھ اے جیڑھے جو آپݨی محنت اتے اخلاص نال لوکاں دے اعتماد تے پورا لہہ سڳن اتے معاشرے اچ چنڳا کردارنبھا تے عزت نال حیاتی گزار سڳن۔ ماہر اقبالیات پروفیسر ڈاکٹر عبدالواجد تبسم آکھیا جو علامہ اقبال نویں نسل اتے قوم کوں امیددا سنیھا ݙیندن اتے انہاں دی شاعری کوں پڑھ تے سمجھݨ دی لوڑھ اے۔بدقسمتی نال اساڈے معاشرے اچ آپسی تعلقات اتے اساڈے ہمدردی دے جذبے اچ ڳھٹکی آئی اے جئیں کوں علم گڳھن کراہیں دور کیتا ونڄ سڳدے۔انہاں آکھیا جو صرف ڈگری گھنݨ دا کوئی فائدہ کائنی کہیں وی شعبے اچ انسان اتے طالب علم کوں مہارت ہوݨی چاہیدی اتے تانجو او آپݨے شعبے اچ کردار ادا کر سڳے اتے معاشرے دا کارآمد شہری بݨ سڳے۔میزبان ڈاکٹر سعدیہ کمال نال آپݨی حیاتی تے تعلیم بارے ڳالھ مہاڑ کریندیں ہوئیں انہاں آکھیا جو او ایبٹ آباد اچ ڄمییے۔والدین وی استاد ہن ابتدائی تعلیم اتھوں ڳھدی۔اقبالیات اچ ایم فل کیتا اتے اردو زبان اچ پی ایچ ݙی دی ڈگری نمل یونیورسٹی اسلام آباد توں ڳھدی اتے چووی سال دی عمر اچ بطور لیکچرار حویلیاں کالج توں آپݨی عملی زندگی شروع کیتی۔انہاں ڈسیا جو انہاں دے والد انہاں کوں قانون دی تعلیم ݙواوݨ چاہندے ہن پر انہاں تعلیم دا شعبہ چݨیا۔انہاں کوں انگریزی نال دلچسپی اے،ہزاراں دی تعداد اچ انہاں دے شاگرد ہن،آپݨے شعبے اچ او کئی کتاباں دے مصنف ہن۔ڈاکٹر عبدالواجد تبسم آکھیاجو ہر میدان اتے شعبہ ہر طالب علم سانڳے کھلیا اے ایں وچ کامیابی سانڳے صرف خلوص اتے محنت دی لوڑھ اے۔انہاں طلباء تے طالبات کوں تلقین کیتی اے جو اوکامیابی سانڳے آپݨا اصول بݨا تے آپݨی منزل سوکھی کر سڳدن۔