اسلام آباد ۔ 5 فروری (اے پی پی) چیئرمین سینیٹ محمد صادق سنجرانی آکھیے جو مسئلہ کشمیر دے حل کیتے پاکستان دی عوام ،حکومت تے سیاسی قیادت یک زبان اے ایندے تے کوئی ڈو صلاح کائنی جو مسئلہ کشمیر کوں اقوام متحدہ دیاں قرار داداں اتے کشمیری عوام دیاں امنگاں دے مطابق حل کیتا ونجے ،انسانی حقوق دے علمبردار ملکاں ، ادارے اتے تنظیماں کشمیر دے مسئلے کوں اقوام متحدہ دیاں قرار داداں دے مط۳ابق حل کرنڑکیتے اقدامات کرن ۔ منگل کوں یوم یکجہتی کشمیر دے حوالے نال اپنڑے پیغام اچ چیئرمین سینیٹ آکھیا جو پاکستان دی عوام اتے ادارے کشمیریاں دی جدوجہد آزادی اچ نہ صرف انہاں دی بھر پور حمائت کریندن بلکہ آزادی دے حصول کیتے اج تئیں ڈتیاں ونجنڑ آلیاں قربانیاں کوں خراج تحسین پیش کریندن ۔ چیئرمین سینیٹ آکھیا جو 5 فروری دا ڈینھ مقبوضہ کشمیر دے مسلماناں دی جدوجہد آزادی اتے ایں حوالے نال ڈتیاں ونجنڑ آلیاں جانی تے مالی قربانیاں کیتے اظہار یکجہتی دا ڈینھ اے ۔
مسئلہ کشمیر دے حل کیتے پاکستان دی عوام،حکومت اتے سیاسی قیادت ہک زبان اے ،چیئرمین سینیٹ محمد صادق سنجرانی
مضمون کا ماخذ : لاٹری کی تجزیاتی ایپ
متعلقہ مضامین
