اسلام آباد ۔ 18 دسمبر (اے پی پی) وزارت پٹرولیم گھریلو صارفین کیتے گیس دا ملھ 214 فیصد ودھاونڑ بارے خبراں دی تردید کریندے آکھیے جو خبر اچ کوئی صداقت کائنی۔ترجمان موجب گیس دا ملھ مجوزہ طریقہ کار دے مطابق سال اچ صرف ڈو واری ردوبدل کیتا ویندے۔ وفاقی حکومت کوں کابینہ دی اقتصادی کمیٹی اتے وفاقی کابینہ نال مشاورت دے بعد حتمی فیصلے دا اختیار اے،ایندے کیتے متعلقہ وزارتاں اتے ڈویژناں دی رائے وی گھدی ویندی اے،میڈیا اچ گیس دا ملھ ودھنڑ بارے خبراں صرف ہک تجویز دی بنیاد تے آئن جیندا کوئی حتمی فیصلہ نئیں تھیا، اینجھاں خبراں پھیلاونڑ توں میڈیا کوں پہلے تصدیق کرنڑی چاہیدی اے۔
مضمون کا ماخذ : جڑواں اسپن
