وزیراعظم عمران خان دا جی ایس پی پلس کنونشنز تے عملدرآمد دی صورتحال متعلق اجلاس

حکومت عوام دی سماجی و اقتصادی حالت بہتر بنڑاونڑ کیتے یورپی یونین دے شراکت داراں نال رابطے ودھاونڑ تے جی ایس پی پلس متعلق اقوام متحدہ دے کنونشنز تے عمل درآمد کریندی رہسی وزیراعظم عمران خان
اسلام آباد ۔ 12 مئی (اے پی پی)وزیراعظم عمران خان آکھیے جو حکومت عوام دی سماجی و اقتصادی حالت بہتر بنڑاونڑ کیتے یورپی یونین دے شراکت داراں نال رابطے ودھاونڑ تے جی ایس پی پلس متعلق اقوام متحدہ دے کنونشنز تے عمل درآمد کریندی رہسی،بالاں نال زیادتی تے بالاں توں مشقت دے ھوالے نال کہیں قسم دی رعایت نہ کرنڑ دی پالیسی تے عمل پیرا ہن تریمت ، بالاں تے خواجہ سراءدے حقوق دے تحفظ کیتے مختلف انتظامی اتے قانونی اقدامات کیتے گئن ، غریب لوکاں دے تحفظ کیتے ہر ممکن کوشش کیتی ویسی ، صوبائی حکومتاں دی مشاورت نال ویسٹ مینجمنٹ متعلق قومی پالیسی دی تیاری دا عمل تکھا کیتا ونجے ۔انہاں اے ہدایات منگل کوں اتھاں ہک اجلاس دی صدارت کریندے ہوئیں ڈتن ۔ اجلاس اچ وزیراعظم کوں جی ایس پی پلس متعلق کنونشنز تے عملدرآمد دی صورتحال متعلق بریفنگ ڈتی گئی ۔ اجلاس اچ وفاقی وزیر انسانی حقوق ڈاکٹر شیریں مزاری، وزیراعظم دے مشیر برائے تجارت عبدالرزاق داﺅد، وزیراعظم دے مشیر برائے موسمیاتی تبدیلی ملک امین اسلم، اٹارنی جنرل خالد جاوید خان، وزیراعظم دے معاون خصوصی برائے سمندر پار پاکستانیز سید ذوالفقار عباس بخاری اتے اعلیٰ حکام شرکت کیتی ۔سیکرٹری ٹریٹی ایمپلی مینٹیشن سیل جاوید اکبر بھٹی اجلاس کوں پاکستان یورپی یونین دے درمیان موجودہ تجارتی صورتحال اتے پائیدار سماجی و اقتصادی ترقی تے بہتر نظم و نسق دے سانجھے مقصد دے وداھرے کیتے جی ایس پی پلس دے اثرات بارے ڈسایا ۔ وزیراعظم کوں انسانی حقوق، بالاں تے تریمتاں دے حقوق اتے بئے معاملات دے حوالے نال اقوام متحدہ دے مختلف کنونشنز تے عملدرآمد دی صورتحال تے پیشرفت بارے ڈسایا گیا ۔ اجلاس اچ بلین ٹری سونامی منصوبے، احساس پروگرام، کرتارپور راہداری کھولنر، سابق فاٹا دے علاقہ دی سماجی و اقتصادی ترقی کیتے عملی اقدامات، انسانی حقوق متعلق قومی لائحہ عمل تے عملدرآمد، تشدد روکنڑ، قومی چائلڈ لیبر سروے دے آغاز، بالاں توں مشقت متعلق قوانین تے عملدرآمد، تریمتیں ، بالاں تے خواجہ سراءدے تحفظ کیتے قوانین دی منظوری اتے بدعنوانی دے انڈیکس دے حوالے ںال ٹرانسپرنسی انٹرنیشنل اچ پاکستان دی درجہ بندی دی بہتری سمیت موجودہ حکومت دے اہم اقدامات کوں یورپی یونین ولوں منیے ونجنڑ تے اظہار اطمینان کیتا گیا ۔