وزیر اعظم دا باہرلے ملک رہنڑ آلے پاکستانیاں کوں گھن آونڑ کیتے انتظامات تے پیشرفت تے اظہار اطمینان
اسلام آباد ۔ 17 جولائی (اے پی پی) وزیر اعظم عمران خان باہرلے ملک رہنڑ آلے پاکستانیاں کوں وطن واپس گھن آونر دے حوالے نال انتظامات تے پیشرفت تے اطمینان دا اظہار کریندے ہوئیں آکھیے جو دنیا دے کہیں وی کونے اچ رہنڑ آلا پاکستانی اساڈی ذمے واری اے تے ایں ذمے واری کوں پورا کرنڑ دے حوالے نال ہر کوشش کریندے رہسوں ۔اے گال انہاں معاون خصوصی نیشنل سکیورٹی ڈاکٹر معید یوسف نال گال مہاڑ کریندے ہوئیں آکھی اے جنہاں جمعے کوں انہاں نال ملاقات کیتی ، ملاقات اچ علاقائی صورت حال تے گال مہاڑ کیتی گئی ۔ ملاقات اچ ڈاکٹر معید یوسف کورونا دے تناظر اچ باہرلے ملکاں اچ پتھے پاکستانیاں کوں وطن واپس گھن آونڑ دے حوالے نال پیشرفت تے بریفنگ ڈتی جیں دوران انہاں وزیراعظم کوں ڈسائے جو ہنڑ تئیں پوری دنیا وچ 70 ملکاں توں ڈولکھ 25ہزار توں ودھ پاکستانیاں کوں وطن واپس گھن آیا گئے انہاں آکھیے جو اوکھے ویلھے باہرلے ملکوں پاکستانیاں کوں وطن واپس گھن آونڑ دے وزیراعظم دے وعدے کوں پورا کیتا گئے ۔ایں موقع تے وزیر اعظم پاکستانیاں کوں وطن واپس گھن آونڑ دے حوالے نال انتظامات اتے پیش رفت تے اطمینان دا اظہار کیتے ۔انہاں آکھیے جو دنیا دی کہیں وی چنڈ اچ رہنڑ آلا پاکستانی اساڈی ذمے واری اے تے ایں ذمے واری کوں پورا کرنڑ دے حوالے نال ہر کوشش کریندے رہ ویسوں۔
وزیراعظم عمران خان نال معان خصوصی نیشنل سیکورٹی ڈاکٹر معید یوسف دی ملاقات
مضمون کا ماخذ : عمومی کلیدی الفاظ
متعلقہ مضامین
