اسلام آباد۔24فروری(اے پی پی)پاکستان تحریک انصاف دے اگواݨ سینیٹر فیصل جاوید آکھیے جو وزیراعظم عمران خان چاہندن جو کرپشن مکا تے ووٹ دا تقدس بحال کیتا ونڄے، اپوزیشن چاہندی اے جو کرپشن دے رستے بند نہ تھیون، ڄݙاں شفافیت آسی، اوں ویلھے عام لوک اڳو تے آسن۔ سپریم کورٹ دے باہروں صحافیاں نال گالھ کریندے سینیٹر فیصل جاوید آکھیے جو اپوزیشن نی چاہندی جو سینیٹ دے انتخابات اوپن بیلٹ نال ہوون، اوپن بیلٹ بارے ترمیم کوں اپوزیشن مسترد کیتے جیندے بعد حکومت آرڈنینس ڳھن آونڑ دا فیصلہ کیتے۔ انہاں آکھیا جو ہر سینیٹ انتخابات اچ ہارس ٹریڈنگ تھیندی اے، پی ڈی ایم اچ شامل اپوزیشن جماعتاں دا دھندہ ای لوکاں کوں پیسے نال مل ڳھنݨ اے، نیب آرڈنینس اچ اپوزیشن جیڑھیاں سفارشات ڈتن او وی کرپشن دے حق اچ ہن ۔
مضمون کا ماخذ : مڈاس گولڈ
